ලක්‍ෂ 50 හක පමණ වෙළදපොළ වටිනාකමක් ඇති හෙරොයින් ග්‍රෑම් 501 ක් සහ මිලිග්‍රෑම් 680 ක් සමග සැකකරුවෙකු මිගමුව කොට්ටාශයේ නිතිය බලගැන්වීමේ ඒකකය විසින් සිදුව විජය කුමාරණතුංග රෝහල ආසන්නයේදී අද (7 ) අත්අඩංගුවට ගෙන ඇත.
පොලිස් කොස්තාපල් 48929 චන්දන නිලධාරියාට ලැබුණු තොරතුරකට අනුව නිතිය බලගැන්වීමේ ඒකකයේ ස්ථානාධිපති ප්‍රධාන පොලිස් පරීක්‍ෂක සුභාෂ් ප්‍රියදර්ශන මහතාගේ ප්‍රධානත්වයෙන් මෙම වැටලීම සිදුකර ඇත. අත්අඩංගුවට ගෙන ඇති සැකකරු ජා ඇල ඒකල පදිංචි 48 හැවරදී තිදරු පියෙකි.
හෙරොයින් තොගය ග්‍රෑම් 100 බැගින් වූ ඇසුරුම් වල අසුරා තිබී ඇති අතර සැකකරු සන්තකයේ තිබී මත්ද්‍රව්‍ය කිරීම සදහා භාවිතා කරන කුඩා ප්‍රමාණයේ විද්‍යුත් තරාදියක් ද අත්අඩංගුවට ගෙන තිබේ.
මෙම වැටලීමට උපපොලිස් පරීක්‍ෂක කේ කේ මහින්ද පොලිස් කොස්තාපල්වරුන් වන 48929 චන්දන 82804 කුමාර 84546 නිමේෂ් සමග පොලිස් රියදුරු 19253 වනිග සුරිය යන නිලධාරින්ද සහභාගිවී ඇත.
.දැනට සිදුකර ඇති විමර්ශන වලට අනුව සැකකරු මහා පරිමාණ මත්ද්‍රව්‍ය ජාවාරම් ජාලයක සාමාජිකයෙකු වියහැකි බවට පොලිසිය සැක පළකරන අතර මිගමුව කොට්ටාශයේ පොලිස් අධිකාරී සමන් සිගේරා මහතාගේ උපදෙස් පරිදි පොලිස් අධිකාරී කොට්ටච්චි මහතාගේ අධීක්ෂණය යටතේ වැඩිදුර පරීක්ෂණ සිදුකරයි
