මීගමුවේ ලෙල්ලමට දිසා අධිකරණයෙන් දුන් නියෝගය සිවිල් අභියාචනා මහාධිකරණයත් ස්ථිර කරයි
මීගමුව “ලෙල්ලම” මත්ස්ය වෙළඳ මධ්යස්ථානය පරිපාළනය සහ කළමණාකරණය කිරීම සඳහා දේපළ භාරකරුවෙකු පත්කරන ලෙසට මීගමුව දිසා අධිකරණය විසින් ලබා දුන් අතුරු තහනම් නියෝගය අද (2025 දෙසැම්බර් 19) දින මීගමුව සිවිල් අභියාචනා මහාධිකරණය විසින් ද ස්ථීර කරන ලදී.
තමා හට අයත් “ලෙල්ලම” ධීවර වෙළඳ මධ්යස්ථානය පවත්නාගෙන යන දේපළ සම්බන්ධයෙන් වන නඩුකරයක් අසා නිමවන තෙක් අදාල දේපලේ කළමණාකරණය සඳහා දේපළ භාරකරුවෙකු පත් කරන ලෙසට කොළඹ අගරදගුරු හිමිපාණන් විසින් කළ ඉල්ලීමක් පිළිගනිමින් මීගමුව දිසා අධිකරණය විසින් ලබා දුන් අතුරු නියෝගයකට එරෙහිව එම නඩුවේ විත්තිකරුවන් වූ පිටිපන මීසමේ එක්සත් ධීවර සමිතියේ සභාපති, ලේකම් සහ භාණ්ඩාගාරික යන අය විසින් ඉදිරිපත් කරන ලද අභියාචනයට අවසර ගැනීමේ ඉල්ලීමක් නිශ්ප්රභා කරමින්, මීගමුව සිවිල් අභියාචනා මහාධිකරණයේ විනිසුරුවරුන් වන රාමනාදන් කන්නන් මහතා සහ යුවෝන් ප්රනාන්දු මහත්මිය විසින් මෙම තීන්දුව ලබාදෙන ලදී.
විත්තිකාර පෙත්සම්කරුවන් වෙනුවෙන් නීතීඥ ෂර්ලි අමරසේකර මහතාගේ උපදෙස් මත නීතීඥ නලීන් සමරකෝන් සමඟ නීතීඥ චතුර ගල්හේන මහතා පෙනී සිටින ලදී.
පැමිණිලිකාර – වගඋත්තරකාර කොළඹ අගරදගුරු හිමිපාණන් වෙනුවෙන් නීතීඥ ධම්මික සිල්වා මහතාගේ උපදෙස් මත නීතීඥ ඉන්දික බණ්ඩාර අබේකෝන්, ජ්යෙෂ්ඨ නීතීඥ වරුණ සේනාධීර යන මහත්වරුන් සමඟින් ජනාධිපති නීතීඥ ශමිල් පෙරේරා මහතා පෙනී සිටි
