මිගමුව සහ දුන්ගාල් පිටිය පොලිස් ස්ථාන මගින් වලංගු විසා නොමැතිව රැදී සිටීම සහ වීසා බලපත්ර නීති උල්ලංගණය කරමින්, අන්තර්ජාලය ඔස්සේ මූල්ය වංචා සිදුකිරීම හේතුවෙන් අත්අඩංගුවට ගෙන අධිකරණය හමුවට පැමිණවූ චීන ජාතිකයන් 43 දෙනකු සහ කාම්බෝජ ජාතිකයන් දෙදෙනකු රක්ෂිත බන්ධනාගාර ගතකර ඇත.
මිගමුව මුලස්ථාන පොලිසියේ පොලිස් ස්ථානාධිපති තල්වත්ත මහතාට ලද තොරතුරකට අනුව දුෂණ මර්ධන අංශයේ ස්ථානාධිපති කාර්තිපන් මහතා ඇතුළු නිලධාරීන් කණ්ඩායමක් විසින් 27 දින සවස ම්ගමුව ලුවිස් පෙදෙසේ සිදුකල වැටලීමකදී සංචාරක හෝටලයක රැදී වීසා බලපත්ර නීති උල්ලංගණය කරමින්, අන්තර්ජාලය ඔස්සේ මූල්ය වංචා සිදුකිරීම හේතුවෙන් චීන ජාතිකයන් 16 දෙනෙකු සහ කාම්බෝජ ජාතිකයන් දෙදෙනකු අත් අඩංගුවට පත්ව තිබේ
මොවුන් සන්තකයේ තිබී පරිගණක ඇතුළු සන්නිවේදන උපකරණ රැසක්ද පොලිසිය බාරයට ගෙන ඇති අතර මොවුන් අප්රේල් මස 06 දින දක්වා රක්ෂිත බන්ධනාගාරගත කර තිබේ.
27 දිනම දුන්ගාල්පිටිය පොලිස් ස්ථානයේ ස්ථානාධිපති ප්රධාන පොලිස් පරීක්ෂක කාංචන නිලධාරිනියට ලද තොරතුරකට අනුව මිගමුව තලාහේන ප්රදේශයේ නිවසක වලංගු විසා බලපත්ර නොමැතිව තාවකාලිකව රැදිසිටි කාන්තාවන් හතරදෙනෙකුද ඇතුළුව චීන ජාතිකයන් 27 දෙනකු අත්අඩංගුවට ගෙන ඇත
අධිකරණය හමුවට පැමිණවූ මොවුන් අප්රේල් මස 07 දින දක්වා රක්ෂිත බන්ධනාගාරගත කර ඇත
