අද 30 දින පෙරවරු 01.45 ට පමණ කටාන පොලිස් වසමේ බෝලවලාන ප්‍රදේශයේදී යතුරු පැදි දෙකක් සහ කන්ටේනර් ප්‍රවාහන රථයක් එකිනෙකට ගැටීමෙන් සිදුවී අනතුරකින් යතුරු පැදිවල ගමන්කරමින් සිටි තරුණයන් දෙදෙනකු එම ස්ථානයේදීම ජිවිතක්ෂයට පත්ව තිබේ..
මෙසේ මියගොස් ඇත්තේ දගොන්නේ පදිංචිව සිටි සිරිවර්ධන ආරච්චිලාගේ තලිශ නිම්නෙත් සිරිවර්ධන(18)සහ විජේසුන්දර අප්පුහාමිලාගේ කවිදු හශාන් සෝමතිලක(19 )යන දෙදෙනාය.
අනතුරින් පසු දාගොන්න ප්‍රදේශවාසීන් විසින් අනතුරට පත් බහාලුම් ප්‍රවාහනය කරන ලද කන්ටේනර් රථයට ගිණිතබා ඇත. පසුව කටාන පොලිස් ස්ථානයේ නිළධාරින් හා මීගමුව නගර සභාවේ ගිණි නිවිමේ ඒකකයේ නිළධාරින් එම ස්ථානයට පැමිණ ගිණි ගැනීමට ලක්වූ කන්ටේනර් රථයේ ගින්න නිවාදමා එම ස්ථානයේ කලහකාරි ලෙස හැසිරුනු පුද්ගලයින් පාලනය කර කිරීමට කටාන පොලිසිය විසින් කටයුතු කර ඇත.
ලොරි රථයේ රියදුරු අත්අඩංගුවට ගෙන ඇති අතර මෘතදේහ පස්චාත් මරණ පරීක්ෂණ සදහා මිගමුව දිස්ත්‍රික් මහරෝහලේ මෘතශරීරාගාරයේ තබා ඇත.
කටාන පොලිසිය විසින් වැඩිදුර විමර්ශන සිදුකරයි
