අප සතුව ඇති තොරතුරු අනුව 1989 .12.19 දිනෙන් මිගමුව නගරාධිපතිවරයාගේ අත්සනින් ශාන්ත මරියා විදුහලේ විදුහල්පතිවෙත යොමුකරන ලද ලිපියට අනුව නගරසභාවට අයත් කාම්චෝච්ඩේ පිහිටි ක්රීඩාපිටිය වසර 25 ක කාලයකට බදු දීමට නගර සභාව ගනුලැබූ තීරණය අතිගරු ජනාධිපති තුමා විසින් අනුමත කර ඇතිබව දන්වා ඇත
නීතිඥ සහ ප්රසිද්ධ නොතාරිස් ලලිත් ප්රනාන්දු විසින් ගිවිසුම ඔප්පුව නමැති ශිරසින් සකස් කලබව සදහන් වන ලේඛනයට අනුව ක්රීඩා පිටිය සදහා ලබාදී ඇති ඉඩමේ ප්රමාණය අක්කර 4 ක් සහ පර්චස් 31ක් බව සදහන්වේ.
එමෙන්ම 2023 .12. 06 දාතමින් ක්රීඩා පිටියේ ගැටළු වලක්වා ගැනීමයන සිරසින් නාගරික කොමසාරිස්ගේ අත්සනින් ප්රාදේශීය ලේකම් ඇමතු ලිපිය මගින්ද මෙම ඉඩමේ නෛතික අයිතිය මිගමුව මහා නගර සභාව සතු බව සදහන් කර තිබේ.
එමෙන්ම 2023.05.21 දිනෙන් බටහිර උතුර පළාත් ජ්යෙෂ්ඨ තක්සේරු කරුවෙත යොමුකර ඇති අංක නා.ඉ.දෙ/3/4/2023 ලිපියේ සදහන් තොරතුරු අනුව මෙම ඉඩමේ ඔප්පු අංකය 703 N සහ ලියා ඇති දිනය 1922/09/30 බවත් සැලසුම් අංකය 341752 ලෙස සහ ඉඩමේ ප්රමාණය අක්කර 5 රුඩ් 02 සහ පර්චස් 18.2 ක් බව සදහන් කර ඇත.
මේ තොරතුරු අනුව මෙම ඉඩම 1922 වසරේ සිට මිගමුව නගර සභාව සතුව තිබෙන ඉඩමක් බව පැහැදිලි සාක්ෂි තිබියදී ඉඩමේ අයිතිය පිලිබදව ඍජු තීරණයක් ගැනීමට වත්මන් පාලකයන් සහ නිලධාරීන් කටයුතු නොකරන්නේ මෙම ඉඩමේ අයිතිය නගර සභාවෙන් බැහැර කිරීමට නොපෙනෙන බලවේගයක් ක්රියාත්මක වන නිසා දැයි මීගමුවේ බදුගෙවන ජනතාව ප්රශ්න කරති
