(සටහන ඉමායා සත්සරණි)
තැපැල් සේවකයන් විසින් මෙහෙයවන වැඩ වර්ජනය දේශපාලන අවශ්යතා වෙනුවෙන් සිදු කරන එකක් බව අමාත්ය වෛද්ය නලින්ද ජයතිස්ස පවසනවා.
තැපැල් සේවකයන්ගේ ඉල්ලීම් ගැන සලකා බැලීමට නම්, ඔවුන් ඇඟිලි සලකුණු සහ අතිකාල දීමනා සම්බන්ධයෙන් වන රජයේ ප්රතිපත්තිය සමඟ එකඟ විය යුතු බවත්, එම ඉල්ලීම් දෙකට එකඟ වන්නේ නම්, තැපැල් සේවකයන්ගේ අනෙකුත් ඉල්ලීම් 17 සම්බන්ධයෙන් සාකච්ඡා කිරීමට රජය සූදානම් බවයි අද (21) පාර්ලිමේන්තුවේදී අදහස් දක්වමින් අමාත්යවරයා සඳහන් කළේ.
මෙම වැඩ වර්ජනයට සම්බන්ධ වී ඇත්තේ දේශපාලන පක්ෂවලට සම්බන්ධ වෘත්තීය සමිති බවද, එම වෘත්තීය සමිති විසින් තමන්ගේ පක්ෂ නායකයන් සමඟ සාකච්ඡා කර, ඉහත ඉල්ලීම් දෙකට එකඟ වීමට කටයුතු කරන ලෙසද අමාත්යවරයා මෙහිදී වැඩිදුරටත් පවසා සිටියා.
