දිවයිනේ වාර්තාවන අපරාධ වලින් 45%ක් වාර්තාවන්නේ බස්නාහිර පළාතෙන් බව ජ්යෙෂ්ට නියෝජ්ය පොලිස්පති නන්දන මුණසිංහ මහතා පවසයි.
ඒ මහතා මෙම අදහස් පලකලේ දුන්ගාල් පිටිය පොලිස් ස්ථානය වීවෘත කිරීමෙන් අනතුරුව පැවති ජනහමුව අමතමිනි.පොලිස් ස්ථාන සංඛ්යාව 400 සිට 600 දක්වා වැඩිකිරීමේ රජයේ වැඩපිළිවෙල යටතේ ඉදිකළ දුන්ගාල් පිටිය පොලිස් ස්ථානය 491 වන පොලිස් ස්ථානය බවද ප්රකාශ කල ජ්යෙෂ්ට නියෝජ්ය පොලිස්පති වරයා ප්රදේශයේ නිතිය සහ සාමය රැකීම සදහා පොලිසියට මහජන සහාය අවශ්ය බවද සදහන් කළේය.
පොලිසියෙන් ලබාගතයුතු මහජන සේවාවන් ලබාගැනීම සදහා කිලෝමීටර් 13ක් පමණ දුරගෙවා ගෙන මිගමුවට යාමට දුන්ගාල් පිටිය අවට ප්රදේශ වාසීන්ට මෙතෙක්කල් තිබු අපහසුතාවයද නව පොලිස් ස්ථානය නිසා මග හැරේ
දුන්ගාල් පිටිය පොලිස් ස්ථානයට අයත් බල ප්රදේශය වර්ග කිලෝමීටර් 9.3 ක් වන අතර බල ප්රදේශය තුල ග්රාමනිලධාරී වසම් 12 හක 30500 ක පමණ ජනගහනයක් ජිවත් වේ.
නව පොලිස් ස්ථානයේ .ස්ථානාධිපති වරයා වශයෙන් ප්රධාන පොලිස් පරීක්ෂක ටි ආර් එම් සි රණසිංහ මහතා කටයුතු කරන අතර උප පොලිස් පරීක්ෂක වරුන් තිදෙනෙක් සහ සෙසු නිලයන් 43 ක් දැනට මහජන සේවය සදහා අනුයුක්ත කර ඇත.
අංක031 2230888 සහ 0312230889 දුරකථන වලින් මහජනතාවට දුන්ගාල් පිටිය නව පොලිස් ස්ථානය ඇමතීමට හැකියාව ඇත
