26 වන ඉරිදා පැවති කටාන විවිධසේවා සමුපකාර සමිති සංගමයේ මහාසභා රැස්වීම උණුසුම් මුහුණුවරක් ගත්බව වාර්තාවේ.
කෝටිගණනින් මුදල් ඇති පදනමකින් කරනලද උත්සවයකට සමුපකාර සංගමයේ මුදල් ලක්ෂ දෙකක් වැයකර පාපැදි 10 ක් ලබාදීම මෙහිදී දැඩිලෙස විවේචනයට ලක්වී ඇති අතර මෙය මියැදෙන්නට වැටිසිටින රෝගියෙකුගෙන් වෛද්යවරයා ලේ ලබාගත්තා වැනි කටයුත්තක් බව මහාසභාව ඇමතු සභිකයන් ප්රකාශ කර ඇත.
මෙම පාපැදි බෙදාදුන් උත්සවයේ පුද්ගලික දේශපාලන අරමුණක් ඇති බවද එවැනි කටයුතු සදහා සමුපකාරයක මුදල් යොදා ගැනීම අනුමත කළනොහැකි බව අදහස් දැක්වූ සභිකයන් පෙන්වාදී ඇත.
සමිතියේ ගනුදෙනු කරුවන්ගේ පාසල් යන දරුවන්ට නවවසරට පාසල් උපකරණ ලබාදීමට රුපියල් 5000 ක නය මුදලක් අනුමත කර මුදල් ලබා නොදී පාසැල් බෑග් සපත්තු ආදී උපකරණ ලබාදීමට ගෙන තිබු තීරණය ද මහා සභාවේ විරෝධය හමුවේ අකුලාගෙන ඇත.
උපකරණ සැපයුම් කරුවන් ගෙන් නිලධාරීන් තිදෙනෙකුට ලැබීමට තිබුණු චීන සංචාර තුනක් නොලැබීයාම නිසා චීන ගමන ගැන උනන්දුවෙන් සිටි අය අප්සට් වී ඇතිබවත් අපගේ ආරංචිමාර්ග වලින් දැනගන්නට ලැබී ඇත.
