ජා ඇල පොලිස් වසමේ ඒකල ශාන්ත මැතිව් මාවත ප්රදේශයේදී පුද්ගලයෙකුට තියුණු ආයුධකින් පහරදී ඝාතනය කර ඇති බවට ජා ඇල පොලිස් ස්ථානයට ලද පණිවිඩයක් මත විර්මශන ආරම්භ කර ඇත.
මරණකරු වයස අවුරුදු 24 ක් වූ ශාන්ත මැතිව් මාවත, ඒකල ප්රදේශයේ පදිංචිකරුවෙකි. මුදල් ආරවුලක් මත සහෝදරයින් දෙදෙනෙකු අතර ඇතිවූ බහින් බස් වීමක් දුරදිග යාම හේතුවෙන් වැඩිමහල් සහෝදරයා විසින් බාල සහෝදරයාට තියුණු ආයුධයකින් පහරදී මෙම ඝාතනය සිදු කර ඇති බවට දැනට සිදු කරන ලද විමර්ශනයේදී අනාවරණය වී ඇති අතර සිද්ධියට සම්බන්ධ සැකකරු අත්අඩංගුවට ගෙන ඇත.
සැකකරු වයස අවුරුදු 35 ක් වන ඒකල ප්රදේශයේ පදිංචිකරුවෙකි. මෘත ශරීරය රාගම රෝහලේ මෘත ශරීරාගාරයේ තැන්පත් කර ඇත. ජා ඇල පොලිසිය වැඩිදුර විර්මශන සිදු කරනු ලබයි.
