කටාන ප්රාදේශීය සභා බලප්රදේශයේ සවිකර ඇති අනවශ්ය වීදිලාම්පු ඉවත්කිරීම සදහා ජාතික ජනබලවේගයේ ලෙස්ලි ප්රනාන්දු පුල්ලේ මන්ත්රීවරයා යෝජනා කලේ 2025 ඔක්තෝම්බර් මස 17 වනදින පැවති මහා සභාවේදීය.
යෝජනාව ඉදිරිපත්ව මේවන විට මාස හයකට ආසන්න කාලයක් ගතව ඇතත් අනවශ්ය වීදිලාම්පු ඉවත්කර විදුලිබලය සුරැකීමට අවශ්ය පියවර ගැනීමට කටාන ප්රදේශීය සභාව මෙතෙක් කටයුතු කර නැත
බල ශක්තිය පිළිබද බරපතල ගැටලුවකට මුහුණ දෙමින් සිටින මෙම මොහොතේ එක විදුලි බල්බයක් හෝ නිවා සහයෝගය ලබාදිය යුතු අවස්ථාවක ලෙස්ලි ප්රනාන්දු පුල්ලේ මන්ත්රීවරයා 2025 ඔක්තෝම්බර් මස 17 වනදින පැවති මහා සභාවේදීපෙන්වා දුන් අන්දමට කටාන ප්රාදේශීය සභා බලප්රදේශයේ වීදිලාම්පු 25000 ක් පමණ සවිකර ඇත.
සාමන්යයෙන් කණුවක් හැර කණුවක් විදිලාම්පු සවිකිරීම ප්රමාණවත් වන අතර කිලෝ මීටරයක් වීදිලාම්පු 30 කින් ආවරණය කරගත හැකිය.දැනට කිලෝමීටරයක් ඇතුලත විදිලාම්පු 60 සිට 65 දක්වා සවිකල අවස්ථා නිරීක්ෂණය වී තිබේ.
සමහර ස්ථානවල එක කණුවේ වීදිලාම්පු දෙක බැගින් සවිකර දී ඇත්තේ එකක් පාරට සහ අනෙක අසල ඇති ගෙමිදුල හෝ ව්යාපාරික ස්ථානයේ ඉදිරි පසට ආලෝකය ලැබෙන අන්දමටය.
මෙලෙස අක්රමවත්ව හුදු පුද්ගලික බැදීම හිතවත්කම් පදනම් කරගනිමින් සවිකර ඇත වීදි ලාම්පු ඉවත්කිරීමට කටයුතු කරන්නේද අවිදිමත් ක්රමයකටය එම ක්රමය නොකෙරෙන වෙදකමට කොදුරුතෙල් හෙවුවා වැනි ක්රමයකි
ප්රාදේශීය සභාවේ සභාපති තුමිය පසුගිය මහා සභාවේදීද ඉවත් කලයුතු වීදි ලාම්පු තිබෙන තැන දැනුම් දෙන ලෙස මන්ත්රීවරුන්ගෙන් ඉල්ලා සිටි අතර එය නොකෙරෙන වෙදකමකි.
කොට්ඨාශයේ ලබන වතාවෙත් ජන්දය දිනා ගැනීමට බලා පොරොත්තුවෙන් සිටින මන්ත්රීවරයා තවත් වීදි ලාම්පුවක් සවිකරන්නට උත්සාහ ගන්නවා මිස තියෙන වීදි ලාම්පුවක් ගැළවීමට කිසිවිටක කටයුතු කරන්නේ නැත.
එම නිසා කලයුතු වන්නේ වීදි ලාම්පු සවිකිරීම සදහා ප්රමිතියකින් යුතු ක්රමවේදයක් හදුන්වා දී එයට පටහැනිව සවිකර ඇති සියලු වීදි ලාම්පු ඉවත්කරන ලෙස විදුලි අංශයට උපදෙස් දීමයි.
අපවිසින් ජායාරූප සහිතව පෙන්වා දුන් වීදි ලාම්පු (ඩබල්) අදටත් එලෙසම තිබෙන අතර මෙම අකටයුතු පිලිබදව තොරතුරු ලබාදෙන මාලිමාවේ ජයග්රහණය සදහා වෙනසක් වෙනුවෙන් පෙනීසිටි කටානේ ජනතාව දැඩිලෙස කලකිරීමට පත්වෙමින් සිටින බව පෙනෙන්නට ඇත.
ජාතික ජනබලවේගයේ අවධානය පිණිසයි
හඩපටය
සබැදි පුවත්
