තෙල්වත්ත හංදියේ සිට ලයිට් මෝල හන්දිය දක්වා නිදහස් දිනය නිමිත්තෙන් සිදුකර ඇති රුක්රෝපනය සැලසුමකින් තොරව සිදුකල යහපත් කටයුත්තකි..
මෙම රුක් රෝපණය සදහා තෝරාගෙන ඇති භුමිය ඒ සදහා උචිත නොවන බව ඕනෑම කෙනෙකුට වැටහෙන සරල සත්‍යකි.
මීගමුවේ රුක්රෝපනය සදහා ඕනෑතරම් ස්ථාන සොයාගැනීමට තිබියදී මෙවැනි අනුචිත ස්ථානයක් තෝරාගැනීම නිවැරදි නොවන බව අවබෝධ කරගෙන සුදුසු ස්ථානයකට මෙම පැල රෝපණය කළහොත් තවත් වසර කිහිපයකදී වැඩුණු ගස්දෙස බලා නිරාමිෂ සතුටක් ලබාගැනීමට හැකිවන අතර කවුරු කෙසේ කුමක් කියුවත් දැනට සිටුවා ඇති ස්ථානවල දිගටම තබාගැනීමට කටයුතු කළහොත් වැඩුණු ගසක් කිසි දිනකවත් දැකගන්නට නොලැබෙනු ඇත.
මෙම රුක් රෝපණය සිදුකර ඇත්තේ මාර්ග සංවර්ධන අධිකාරියේ පාලනය යටතේ පවතින මහා මාර්ගයක පදිකයන්ට ගමන් කිරීමට ඇති කොටසේ සහ වැසි ජලය බැසයාම සදහා කානු ඉදිකිරිම සදහා වෙන්කර ඇති කොටසේ වනඅතර ගස වටා ඉදිකර ඇති වැට හේතුවෙන් පදිකයා රිය අනතුරු වලට මුහුණ දීමේ අවදානමකට අද දමා තිබේ.
එමෙන්ම පැල සිටුවීම සදහා කැපු ප්‍රයෝජනයට නොගත් වලවල් වලට වැටීමෙන් පාරේ ගමන් කරන ජනතාව අනතුරුවලට ලක්වීමේ බරපතල අවදානමක් ද මතුව ඇත.
අඩියක් පස්සට ගෙන නිහතමානීව සබුද්ධිකව මෙම පැල සුදුසු ස්ථානයකට රැගෙන් ගොස් සිටුවීමට කටයුතුකිරිම මිගමුව මහානගර සභාවේ බලධාරීන්ගේ සහ නිලධාරීන්ගේ වගකීමකි
